ای شمع حرمخانه قربانون اولوم عباس
جانلار سنه پروانه قربانون اولوم عباس
دویسه قاپووی سائل منظوری اولار حاصل
ای مونس اهل دل قربانون اولوم عباس
ای شمع حرمخانه قربانون اولوم عباس
جانلار سنه پروانه قربانون اولوم عباس
انسان و مَلَک سندن ایستله کمک سندن
اَل بیزدَن اَتک سندن قربانون اولوم عباس
ای شمع حرمخانه قربانون اولوم عباس
جانلار سنه پروانه قربانون اولوم عباس
ای معرفتین کانی سن بیل آناوون جانی
بیمه ائله ایرانی قربانون اولوم عباس
ای شمع حرمخانه قربانون اولوم عباس
جانلار سنه پروانه قربانون اولوم عباس
دَیدی گوزَل آنوندان اُوچ شُعبلی بیر پیکان
دُوتدی گوزیوی اَلقان قربانون اولوم عباس
ای شمع حرمخانه قربانون اولوم عباس
جانلار سنه پروانه قربانون اولوم عباس
دیداریوه شَه گَلدی قلبون غم اُوخی دَلدی
تاپدی سنی دینج الدی قربانون اولوم عباس
ای شمع حرمخانه قربانون اولوم عباس
جانلار سنه پروانه قربانون اولوم عباس
یاندوم دِئدی آی قارداش سَس وِر مَنه آی قارداش
چارَه نَدی دای قارداش قربانون اولوم عباس
ای شمع حرمخانه قربانون اولوم عباس
جانلار سنه پروانه قربانون اولوم عباس
وار خیمه دَه چوخ سوزلَر قیزلار یولووی گوزلَر
باخمور نِیَه بو گوزلر قربانون اولوم عباس
ای شمع حرمخانه قربانون اولوم عباس
جانلار سنه پروانه قربانون اولوم عباس
اَحسَن بیله ایثارَه سردار وفادارَه
قربان کسیلن یارَه قربانون اولوم عباس
ای شمع حرمخانه قربانون اولوم عباس
جانلار سنه پروانه قربانون اولوم عباس
گلدوم باشیون اُوستَه آچ گوزلرون آهسته
سن خسته حسین خسته قربانون اولوم عباس
ای شمع حرمخانه قربانون اولوم عباس
جانلار سنه پروانه قربانون اولوم عباس
کَم اِیلمَه لطفون سَن بیچارَه «کلامی» دَن
کُویوندََه گدایم من قربانون اولوم عباس
ای شمع حرمخانه قربانون اولوم عباس
جانلار سنه پروانه قربانون اولوم عباس
شاعر: استاد ولی الله کلامی زنجانی
قربانون ,اولوم ,حرمخانه ,عباسای ,عباسجانلار ,پروانه ,قربانون اولوم ,حرمخانه قربانون ,اولوم عباسای ,اولوم عباسجانلار ,پروانه قربانون ,حرمخانه ? منبع
درباره این سایت